هتاف الثورة ● الأملاك البحرية

الأملاك البحرية

هيــــلا هيــــلا هيلا هيلا هو | الشاطئ ملكنا يا حلو

كرمالك يا دالية، حتضل همتنا عالية
كرمال الصيادين، رح نبقى معتصمين
كرمالك يا رملة، هالثورة بعدها مكملة
وكرمال مينا شوران، حنعلن العصيان
كرمالك يا صخرة، حنرد للعالم بحرا
حنحرر الزيتونة، ونرد للمريسة عيونها

خصخصولنا البحر وبطل فينا نروح عليه
جبرونا بدخولية بس هيدا البحر إلي
وسخولنا البحر بقلاعيط وبمجارير
يلا نظفولنا البحر ومن بعدا ردولنا ياه
جلجأتونا كتير كتير، صار وقت نستعيد
كل الأملاك العامة وخصخصتكن ما منريد

ورح نرد املاك البحر وبهمتنا القوية | هيدي قضية شعبية
والخصخصة جريمتكن مش مسؤولية فردية | هيدي قضية شعبية
بدل ما تلوموا هالشعب، زبطوا البنى التحتية | هيدي قضية شعبية
وما بدنا لا كسارات وحرايق عشوائية | هيدي قضية شعبية
وبدنا معامل للفرز وبدنا حقوقنا البيئية | هيدي قضية شعبية