هيلا هو هيلا هو هيلا هيلا هو
حاجي تسبوا يا جماعة عيب عيب ولو
هيلا هو هيلا هو هيلا هيلا هو
البلد كان بألف خير قبل ما تسبوا

كان الشعب مبسوط
كهربا بكل البيوت
كان فيه فرص عمل
وفيه ضمان للكل
ما كان عنا صفقات
ولا زبالة بالطرقات
ولا كان فيه طائفية قبل ما تبلشوا تسبوا


هيلا هو هيلا هو هيلا هيلا هو
حاجي تثوروا يا جماعة خلصنا بقا ولو
هيلا هو هيلا هو هيلا هيلا هو
عطوهن فرصة وبلا جرصة حاجي بقا تثوروا

هيدا حسان دياب
كاتب أكبر كتاب
وشو يعني لو سموه
هن نفس الأحزاب
بس يمكن مستقل
ورح بيحاسب الكل
ورح يقضي على الفقر بس لو بتوقفوا تثوروا

هيلا هو هيلا هو هيلا هيلا هو
حاجي تثوروا يا جماعة خلصنا بقا ولو
هيلا هو هيلا هو هيلا هيلا هو
عطوهن فرصة وبلا جرصة حاجي بقا تثوروا

البنوكة معترين
أنجق عملوا ملايين
بيعطونا خرجيات
على جيابنا خايفين
رياض سلامة كمان
هو ومصرف لبنان
خلوا الدولار ألفين لحتى توقفوا تسبوا

هيلا هو هيلا هو هيلا هيلا هو
حاجي تسبوا يا جماعة عيب عيب ولو
هيلا هو هيلا هو هيلا هيلا هو
البلد كان بألف خير قبل ما تسبوا