هتاف الثورة ● عن التخوين

عن التخوين

يسقط خطاب التخوين | الكل بيعرف نحن مين
نحن أهل القضية | نحن الثورة الشعبية
يسقط خطاب الفراغ | انتو الفشل والفراغ
لا عيشة ولا خدمات | لا مي ولا مواصلات
و ِغرقنا بالنفايات
هيدا بحّد ذاتو الفراغ | يسقط خطاب الفراغ
يسقط خطاب المجهول | من الأوّل عم نقول
ضد الحرب الأهلية | هيدي ثورة شعبية
الطائفية بدنا نشيل | غيركن في ألفين بديل
نحن السلطة ونحن الناس | بالقرار نحن الأساس
حاجة تهديد وتخوين | انتو انتو المدسوسين
من الشبيحة مش خايفين | بهالساحة نحن باقيين

من تخوين لتخوين
شبيحة السلطة جانين
يا أبواق كيف الكن عين
قدح وذم وضيقة عين
شو هالإعلام المضروب
حاج تستهبل يا مجدوب
لما تحرضوا على الناس
هيدا الشي يعني إفلاس
منكن منّا خيفانين
وكلنا سوا متضامنين

كل ما منطلع بهتاف
منتعرّض للاستهداف
كذب وتشبيح وتخوين
وتنمّر شمال ويمين
منتّهم بالاندساس
بس نطالب بحقوق الناس
نحنا حقوقنا مش ناسيين
وبصفّ واحد واقفين
حاج ترهيب وحاج نقّ
صوت نسويّاتنا هو الحق
ضدّ أبواق السلطة الرجعية
منوقف وقفة تضامنية
وبصفّك يا نضال
رح منكمّل النّضال
(ورح منحاسب هالبغال)